Prakash Lakandri

Mr. Prakash Lakandri
MD-Top Universal Academy Ithari
Best Education Consultant Award 2022 UAE

अथक प्रयासले सफलताको शिखरमा लम्कदैँ प्रकाश

इटहरी सायद, सफलताको परिभाषा नहोला । यदि परिभाषा नै लगाउनुप¥यो भनेपनि त्यसको साझा उत्तर हुनसक्छ – ’निरन्तर प्रयास ।‘ यस्तै निरन्तर प्रयास, अथक मिहिनेत र संघर्षले धरानका प्रकाश लकान्द्री सफलताको शिखरमा लम्किरहेका छन् ।
मोरङको होक्लाबारीमा जन्मिएका प्रकाशले धरानस्थित हात्तीसार क्याम्पसमा स्नातक अध्ययन गर्दादेखि नै व्यवसाय सुरु गरे । विद्यार्थी जीवनमा अभावमा बाँच्नुपरेकाले पनि उनमा व्यवसायी बन्ने हुटहुटी जाग्यो । अभाव, दुःख र पीरहरूको पोकोलाई उनले व्यवसायमार्फत आफूलाई स्थापित गरे ।

छोटो समयमै सफलताको शिखरमा लम्किएका प्रकाश भन्छन्, ‘म आफू विद्यार्थी अवस्थामा आर्थिक अभाव हुँदा एक समय त विदेश नै जाउँ भन्ने लागेर पासपोर्ट समेत बनाएँ, तर आफ्नै ठाउँमा केही गर्छु भन्ने दृढ संकल्पले यो ठाउँमा छु ।’
०६४ सालदेखि धरान ९ पुतलीलाईनमा ‘टप युनिभर्सल एकेडेमी’ सञ्चालन गरिरहेका प्रकाशले वर्षदिनमा एक सय बढी दक्ष विद्यार्थीहरू उत्पादन गरिरहेका छन् ।

उनका अनुसार ‘प्लस टु’ अध्ययन गरेर बसेका विद्यार्थीहरूलाई मेडिकल, इन्जिनियर सम्बन्धि प्रवेश परीक्षाको तयारी गराइन्छ । साथै वैदेशिक अध्ययनका लागि जाने विद्यार्थीलाई शैक्षिक परामर्श तथा आइ. इ. एल.टी.एस (आयल्स), पिटिइ, टोफल्स, टेस्ट तयारी, जापानीज भाषा जस्ता तयारी कक्षाहरू गराइने उनी सुनाउँछन् ।

‘हरेक वर्ष एक हजार जनाले हामीकहाँ अध्ययन गर्छन्,’ उनी भन्छन्, ‘हरेक वर्ष दुई सय बढीले नाम निकाल्छन् भने बाहिरी देशमा अध्ययनका लागि जाने एक सय बढी विद्यार्थीहरू दक्ष बन्ने गरेका छन् ।’ उनले मेडिकल र इन्जिनियरमा नाम निकाल्नका लागि उत्कृष्ट संस्थाका रूपमा टप युनिभर्सल एकेडेमी स्थापित भएको बताए ।

नरम स्वभाव र हँसिलो मुहारका प्रकाश कसैलाई रिझाउदैनन् । उनको नरमता र चम्किलो मुहारका कारण पनि आज आम मानिसहरू उनीप्रति प्रभावित हुन्छन् । ‘कसैप्रति हाँसेर बोलिदिँदा सम्बन्ध नै सुमधुर बनिदिन्छ, यो व्यक्तित्वको कुरा पनि हो,’ उनी भन्छन् ।

नेपाल शैक्षिक परामर्श संघ पूर्वाञ्चल (ई–क्यान) का अध्यक्ष समेत रहेका उनले आफूले सुरुमा सामान्य रूपमै सुरु गरेको व्यवसाय आज सयौँ मानिसहरूको नजरमा परेको सुनाउँछन् । स्थानीय स्तरमै निरन्तरको मिहिनेत, लगनशीलता र अथक प्रयासका कारण उनी उदाहरणीय बन्दै गएका छन् ।

उनी भन्छन्, ‘आफ्नै ठाउँमा काम गरेको आज १५ वर्ष बितिसकेको छ, यो अवस्थामा आइपुग्नका लागि निरन्तरको मिहिनेत नै हो ।’ उनले यो अवस्थामा आइपुग्नका लागि आफ्ना बुबा गोपाल लकान्द्रीलाई प्रेरणाको स्रोत ठान्छन् । ‘आज जे जति छु बुबाकै कारण छु, उहाँले मलाई पढ्नका लागि निकै प्रेरित गरिरहनुहुन्थ्यो,’ उनले विगत स्मरण गरे, ‘गाउँमा जन्मिएको मान्छेलाई पढ्नकै लागि धरानसम्म ल्याइपु¥याउन र यहीँ स्थापित गर्न बुबाको ठूलो साथ छ ।’

मोरङको होक्लाबारीमै रहेको श्री मावि होक्लाबारीमा एसएलसी दिएका उनले विज्ञान विषय लिएर प्लस टु सहित स्नातक उत्तीर्ण गरे । अध्ययनकै क्रममा व्यवसाय सुरु गरेका उनले अहिले धरानलाई नै कर्मथलो बनाएका छन् ।

दीर्घकालीन रूपमा आफ्नो व्यवसाय सँगै एकेडेमीक क्षेत्रका अन्य विविध कार्यक्रम सन्चालन गर्ने उनको सोच छ । शिक्षा क्षेत्रमा नै प्रकाश दिने उनको सोच रहेको छ । त्यसैले उनी निरन्तर नडगमगाईकन अथक मिहिनेत गरिरहेका छन् ।

अहिले ई–क्यान पूर्वाञ्चलको अध्यक्ष भइकन संस्थागत विकासमा पनि उनले लगानी गर्दै आएका छन् । यहाँका विभिन्न कन्सल्टेन्सीहरूसँग सहकार्य गर्दैै उनले शिक्षा क्षेत्रमा पनि आर्थिक, भौतिक र मानसिक रूपमा लगानी गर्दै आएका छन् । कयन मानिसहरू यो क्षेत्रमा आएपनि क्षणिक समयमै पलायन भएका थुप्रै उदाहरणहरू छन् । तर, त्यसलाई चिर्दै आफ्नो सफलताको उचाईमा प्रकाश दिनप्रतिदिन लम्किरहेका छन् ।

‘कतिपय मानिसहरू यस क्षेत्रमा टिक्नै नसकेर सीमित समयमै पलायन भएको अवस्था छ,’ उनले भने, ‘निरन्तर प्रयास ग¥यो भने जुनसुकै क्षेत्रमा पनि मानिस एकदिन सफल हुन्छ ।’