Suman Thapa, Banker

Mr. Suman Thapa
Brand Management CSR/ Media ,Sunrise Bank
Banking Brand Manager of The Year 2022 DUBAI

जुन काममा रमाइन्छ, त्यसैले सफलता दिन्छ ः सुमन थापा
परिवारको कान्छो छोराका रुपमा काठमाडौँको असनमा जन्मिनुभएका सुमन थापा सानैदेखि कला र साहित्यमा विशेष रुचि राख्नुहुन्थ्यो ।
बाल्यावस्थादेखि नै टेलिभिजनमा देखिने विज्ञापनहरु उहाँलाई साह्रै मन पथ्र्यो । छोटो मिठो तरिकाले मन छुने विज्ञापनको प्रस्तुति उहाँलाई साह्रै मन पथ्र्यो । त्यसैबेला उहाँको मनमा कसरी र कसले यस्ता विज्ञापन बनाउँछ होला भन्ने जिज्ञासा जाग्थ्यो । आफूले बनाउन पाए यसरी बनाउँथें भन्ने सोच पनि पलाउथ्यो । एकमार्क एकेडमीबाट प्लस टु अध्ययनपछि आइटी क्षेत्रमा केही गर्ने लक्ष्यका साथ उनी बिआइएम अध्ययनमा होमिएका हुन् ।

फरक रुची पछ्याउँदै मार्केटिङमा स्नातकोत्तर गरेका उनले रुची अनुसार म्यानुफ्याक्चरिङ कम्पनीमा सेल्स एण्ड मार्केटिङको काम गरेका हुन् । त्यहाँ सेल्स, मार्केटिङ, सप्लाइ चेनदेखि उत्पादनसम्मको अनुभव लिदैँ आफूलाई ब्राण्डिङ, मार्केटिङ, एडभरटाजिङ क्षेत्रमा प्रभावकारी बनाउन उनी सधैं अभ्यस्त रहे ।

नेपालमा भिआर सुरु हुन लागेको बेला उनले भि आर टुरको व्यवस्था गर्नुभयो । त्यो एपको प्रयोगले एक ठाउँमा बसेर अर्को ठाउँको घरभित्र र बाहिर सबै हेर्न पाइन्थ्यो । त्यस सुविधाले घरहरु बिक्री गर्न निकै सजिलो भएको थियो । यसबीच उहाँले धेरै संघ संस्थाहरुको ब्राण्डिङदेखि रिब्राण्डिङको रणनीति बनाउनुभयो । सनराईज बैंकमा प्रवेशसंगै उनले आफ्नो यस अघिको अनुभवलाई बैंकको ब्राण्ड, विज्ञापन, मिडिया र सिएसआरका क्षेत्रमा अझ बढी प्रभावकारीता थप्न सफल भए ।

व्यक्तिदेखि व्यवसायिक व्यक्तित्वको यात्रा तय गरेका उनी हरेक व्यक्तिले जीवनमा आफ्नो इच्छालाई बुझ्नुपर्छ र आफ्नो जीवनको उदेश्यलाई सही मार्गनिर्देशन गर्नुपर्छ भन्ने विचार राख्दछन् । आफू ज्ुन काममा रमाइन्छ, त्यही कामले मानिसलाई सफलतातिर डोहोर्याउँछ भन्ने कुरा उनी आफ्नो अनुभवको महत्वपूर्ण सिकाई मान्दछन् ।